عمال المغرب

خوتي العمال اخواتي العاملات في القطاع الخاص بمدينة طنجة ! التغير بين أيدينا ومَاتْسناوش شي واحد إيجي اقول ليكم أَجِـيـوْ ها حقكم ، بل حقنا في الدم ديالنا حنا اللي خاص ننزعوه منهم بالقوة والقوة ديالنا هو الاتحاد والتضامن مع بعضياتنا وبلا هاد الجوجْ منقدروش نزيدو شي خطوة لقدام ، ارباب العمل والحكومة الفاشلة اللي هما عبارة عن مافيات ولوبيات  كاينهبوا في الثروات والخيرات ديال البلاد الهدف ديالهم هو تكميم الأفواه وتضليل الحق وقمع كل مواطن قال بصوت عالي " بغيت الحقوق ديالي " نعم بغينا الحقوق ديالنا في الحياة والصحة والعيش الكريم..... ! فاليوم ان شاء الله جاء التغير خاص نْأمْنُو بيه !   وخاص كل واحد فينا اتخطى حاجز الخوف وينزل للشارع اطلب بحقو المسروق ، لان الثقة مابقاتش  لا في النقابات ولا الجمعيات ولا في الأحزاب السياسية ولا في الحكومة ، كولشي ولا شْفارْ ووصلو على ضهر الطبقة الشغيلة ، والفقراء والمهمشين . هدي ثورة عمالية خاص ننجحوها وباش غادي ننجحوها ؟ نهار الأحد 8 أكتوبر ان شاء الله ، خاص نجي نحضر في ساحة الامم مع 15:00 ديال العشيا   باش نضامن مع خوتي تماّ ! ونرفع ...